gugus papi
 
i ha dänkt, i chönnt dir wiedermau chli schribe.... i diktiere am mammi, wases söu schribe :-)
 
ds mittagässe isch nid eso dr hit gsi: hörnli u rüebli. ds mami hets guet gmeint, es het aues püriert u mit anke abgschmöckt, es isch aber trotzdäm e trockeni pampe gsi. nachdäm i reklamiert ha hets när hörnli u leider o rüebli pur gä... das cheibe rote zügs chas mir gar nid. itze hanis de am mami öpe gnue mängisch gseit, aber äs lost ja nid... kennsches ja (anmerkig vom mami: ab und zue schmuggleni es rüebli uf ds löffeli... mängisch merkt sis nid... :-)
 
nachem mittagässe simer ga spaziere - bir rüti hingerdüre. i ha ganz viu hundeli gseh!! aber d hüener u d güggle heis mir ata... bisi hei afa chräie!! i bi auso lüüter gsi :-( ds mami het mir gseit, dassi tüe chräie, has aber de glich nid eso gärn gha. i hane gliich adeade gwunke.
 
när simer düre waud gloffe - ds mami het mi usem wägeli gno u när hani dörfe e boum alänge - henne komisch!! u när simer dür ds loub gloffe - es het knirscht u tönt wie verruckt!! ohh u när si no d schäfli cho mit ihrne glogge. ds mami het mau wiiter wöue u i ha afa gränne, i hane no chli wöue zueluege. wiiter vorne si aber no d geissli u d änte cho. soooo guet!! hami fasch nid chönne sattluege u i ha ganz viu mau müesse *uhhh* uhhh* mache. das isch ja gaaaanz fescht spannend!! ds mami het gmeint, mir gönge nächst wuche mau ids däuhölzli oder i seetüfu....
 
:-( itze tüe mir grad miner zahneli weh..... i verhütze fasch ds blusli.... ds mami mues cho luege.
 
muntsch