Gugus Papi

i ha sooo fescht gschlafe u bi ersch am viertu vor nüni ufgwachet, drfür aber mit emene bääärehunger! nachem schöppeli heimer chli gschmüselet u gspiut mit em chilli - hihi, si isch immer ihrem schwanz nachegsprunge :-)

da ds mami mängisch zytig list bim zmorge hani das natürlich o wöue - äs het mir e zytig vom media markt gä - phää, nüt spannends nume so computer zügs. mis ankebrötli hani - wie immer - mit em chilli teilt. si het die o so gärn wie ig!

när het ds mami die glorrichi idee gha, mir chönnte zäme ga bädele. es het mi abzoge, bi blutt umegfüdlet (het gfägt!) u uf dsmau, i weiss nid wie, isches nass gsi am bode. hmmm... i ha leider dasmau d schuld nid chönne uf d chilli schiebe, si isch nämlich niene gsi. henu, mir hei ja eh wöue ga bädle...

du, hesch du gwüsst, dass ds mami sich säuber o d häärli wischt? das hani gar nid gwüss! i ha immer gmeint, nume ig müessi das mache. ....es isch nid nume i mim zimmer am bode nass gsi, nenei, ds badzimmer isch o gfluetet gsi :-) du kennsches ja, gäu!

itze bini wieder am pfüsele, mues mi erhole vo au dene ufregende sache. viellech mani när wiedermau sta? wie geschter! es het nämlich scho gfägt, weme chli grösser isch u cha sta - de gshetme viu meh!

muntsch

michelle