gugus papi

i höckle am mami uf der schoss u sägenim ganz genau wases mues schribe!

i bi hüt im coop imene coole ichoufswägeli ghöcklet - imene outo! natürlich

bini agurtet gsi. ds stürrat het ono so e rote chnopf gha u weme dert het druf drück hets ghubet!! ds mami isch immer mit däm wägeli i öpis inebutscht - das wär mir auso de nie passiert, weme mi hät la stüre, nämlich.

e verchöiferin vo de jamadu het soo fröid a mir gha (hihi i ha usem outo use soo guet chönne winke u grinse - es het mi nüt gstört, dassi de lüt nume bis zum wadli ha gse...) dassi grad öpis ds probiere ha übercho - hmmm fein gsi!

es fägt no, i däm outo, so chani nämlich viu afingerle. es het uheimlich viu sache uf mire höchi :-)

z zmittag hets fein kochet, ds mami. hörnli mit chäs u gurke. abe vorhär hani no müesse d hösli uszie. si si chli nass worde. eh, werum laht me o e bschüttchanne  vou wasser la umesta?? zersch isches nid eso viu wasser gsi wo am bode isch gsi, aber när hani d channe no la gheie. uuu das het gsprützt bis fasch ad tili ufe! hihi, ds mami het nüt gsei, nume gsüfzget (ds ässe isch drum nache gsi...)

itze gani ga pfüsele, damit i de am nami bim lottigrosi nid mues.

muntsch

michelle