Sorry... macht sich wahrschindli nöd wüki guet, min ersti Blog itrag und den en frustblog... Abr ich mun das eifach mal vom leib schriibe...

Abr zerst stell i mi mal vor.

Bi d Babs, 30gi und im 6te Monet schwanger ;-) . Ich schafe im Gastgwerb -Service- und chan Gott sei dank no go schafe. Da ich im Stundelohn agstellt bin, isches für mich mega wichtig das ich no lang fit gnueg bi um chöne z schafe. Mache min Job gern, leider merk ich, dass mini Nerve nüm di beste sind und ich nüm sooo mag wie vorher. Das bringt mi mängisch zum verzwifle denn ich wett eigendli abr min Körper und mini Hormon stellet mir zwüschedure es Bei... das nervt... Mir isch bewusst, dass das total normal isch abr das machts glich nöd besser...

Abr ebe, bin sus wüki froh... has bis jetzt guet gha. Mir und minere Chline gahts guet. Kei Bluetige, kei Wasser i d Bei und überhaupt alles Tip Top... daher chunt min Frust au nöd...

Nei, hüt bini gfrustet über mis Umfeld, bzw mini best Fründin... Ha hüt en meega strenge Tag gha, gschafet vom halbi 2 bis am 10ni am abig... non stop... und sitze jetzt total fix und foxi diheime. Eigendli heti morn mit minere beste Fründin am Morge zum Brunch abgmacht. Da ich abr gmerktha, dass i eifach schlaf bruche, hani Ihre abgseit. Jetzt isch sie enttüscht und verstaht mini entscheidig nöd... Sie meint sie segs sich ja vo mir gwöhnt dass ich ihre absäge... total übertriebe... ohman, ich bins so leid mich immer müsse z rechtfertige. Was mr vielicht no als Leser wüsse söt isch, dass ichs nöd grad eifach ha mit minere Wahl vo minere beste Fründin... Wie das gmeint isch? Aso ICH han sie meeega lieb, ich schätze sie als Mensch und Fründin. Sie isch ehrlich, kreativ und mir hend in vielne Sache die gliche Asichte vom Lebe... Abr Sie isch sehr sensibel, ifersüchtig, zickig, kompliziert und fühlt sich schnell vo mir "schlecht" behandlet... Dazue chunt, dass mis Mami und sie nöd uf d gliche welle längi sind. Ständig muni mini Fründin bi minere Muetter verteidige, da mis Mami meint, Mini Fründin seg nöd guet gnueg für mich, sie segi z komplitziert und egoistisch... ich fühle das nöd ganz so krass wie mis mami... und mun mi ständig rechtfertige.... ASTRENGEND!!!! Den isch mis Mami au ifersüchtig uf mini Fründin, mini Fründin uf anderi Kollegine vo mir. Mann...!!!

so, und jetzt sitz i da und ha es schlechts gwüsse, will ich morn abgseit ha... mann... isches den sooo egoistisch vo mir wenn ich ehrlich bin und säge ; ich man eifach nöd, min Körper seit "Stop"... isches en Fehler? Heti morn glich sölle ufstah und mich id Stadt schlepe. Ich mein, morn isch min einzig tag woni frei ha... ich bruche eifach e pause... isch das so schlim?

Naja, was sölls, d Entscheidig isch gfalle... d Fründin verruckt und ich total düre...

So und jetzt gangi is Bett...

Hoffe morn isches besser...