Schon gesehen?
Jetzt Baby-Paradies Member werden
- 30% Rabatt exklusiv für Member
- Jede Woche andere Artikel
- Menge in beschränkter Stückzahl
- Wer zuerst kommt profitiert zuerst
- Kostenlos - ohne Verpflichtung
Wia beruhiga ich min 3 wucha alta Sohn?
Gaumenspalte
Mitglied seit:17. Okt. 2008
Punkte: 4
19. August 2009 - 9:53
Hoi mitenand
I bi ziemlich verzwieflet...
Min Sohn dä Luca hät en super guata Start is läba gmacht und üs mega viel freut gschänkt und mach da natürlich immer no!
Sett einera Wucha muass er soviel brüala und iisch ganz unruhig. Vor luter Sorga isch bi mir stilla fascht nümma möglich und gib ihm drum au us dä Fläscha. Da hät sicher alles demit ztua! Me drülled sich halt immena kreis umma!
Wa gits do alles för 'Wundermitteli' zum wieder inen ruhiga rhytmus zcho?
i bi gspannt!
Maus3
- Einloggen oder registrieren um Kommentare zu schreiben
Neue Kommentare
Neue Mitglieder
- sabsi98 (1)
- m.ackermann500e...
- Derii (1)
- Babs (2)
- vesal
- s.nielsen (1)
- Steffi (2)
- Maria Elisabeth (3)
Kommentare
Wie alt ischer denn?
Chönts sii dasser afangt zahne?
grüässli nat
Oh, eba erscht 3 Wucha alt!
Wohrschinlich hät er dia klassischa Buchschmerza i dä erschta 3 Mönat!
Grüessli
viellicht isches au die wärmi!?
bi buchschmerze hani amel dä buch massiert und fencheltee gäh.
hoffentlich gohts im bald besser. gruss simone
Hey Maus 3
Das chunnt mir doch sehr bekannt vor... mini Tochter ( Jetzt 6 Monet) hät au öpe mit 3 Wuche agfange viel brüele... Ich han sie dä ganz Tag im Tragtuech umetreit. Das hät am beste gholfe. Sie hät eifach viel Buuchweh gha und zudäm sehr viel gchötzlet, so dass ihri Spiisröhre entzündet gsie isch und ich han müese zum Arzt mit ihre. Das Chind noch 3 Wuche afanged meh brüehle isch leider bi vielne normal....
Buuchmassiere, dä Milchschoppe mit Fencheltee zuebereite chan hälfe. Schaad, dass du scho nümme chasch/wotsch stille... es lohnt sich nid, sich wäge däm en stress zmache. Ich han eifach nümme alles chöne ässe, well sie susch no meh buuchweh gha het.
Leider muesch do eifach dure. Wo üsi chlii 41/2Monet alt gsie isch häts fest besseret und jetzt isch sie e richtig zfriedes Meitli.
Hoffe, ich han dir chli chöne hälfe.....
sarah
Mein Blog: http://www.baby-paradies.ch/blogs/sarah
Au, danka Sarah!
Soviel guati Tipps! I bi foh um jedi guat Idee! Schlussendlich muass i selber usafinda was vör mi und natürlich för dä Luca guat tuat!
S'Umma träga im Tragetuach isch scho öppis wo em Luca gfallt. Er isch z'frieda und schloft sogär drin!
Jo, mit Geduld und Ruah gohts hoffentlich dänn mit em Stilla wieder besser - wür halt scho no gärn! Es isch ä ganz schöni Erfahrig!
Danka
Maus3
Halli Hallo
üse Sohn het die erschte 1 1/2 Monat ou nume mit bägge verbracht und das het sehr vil Närve koschtet. När heimer dür ne Bekannte usegfunde, dass är dr Atlas-Wirbel nid igränkt het gha. U womer das hei gmacht gha, hani äs mega liebs, pflegeliechts Büebli gha.
Lg
Hallo
@Sstriker: Mega spannend was du verzellsch! Isch da Atlaslogie wo söttegi Behandliga macht! Hesch no meh erfahriga i dia richtig?
Do tua i glob mol mi tüfer interessiera!
Danka!
Maus3
Atlaslogie? No nie ghört, was isch da genau? Mue mer sich da wie en Chiropraktiker für Chind vorstelle?
Halli Hallo :-)
Eigentlech isch d Atlaslogie für Erwachsnegi. Git nid so vil wosech ad Ching häretroue.Teilwis hei o normali Masseure ganz gueti Kenntnis mit dr Atlaslogie. Äs isch scho ähnlech wiene Chiropraktiker, so im grobe.
Mir hei ize ganz ä guete Kontakt in Thun, bire Massagepraxis. Sone richtige Chnochebrächer:-) äs gseht u tönt männgisch chli komisch, aber z Ergäbinis isch genial.
Mir gö so all 6 Monet mit mit üsne Ching dört häre und löse la richte.So das jede Chnoche,Muskel und so witer, wider dört isch woner härekört.
Üse Sohn isch sehr gross (3J. 112cm) ihm tuet das immer sehr guet, är wird ruhiger, cha besser schlafe....
Bi üser Tochter hets nid so guet funktioniert mittem Schoppe, da heimerse grad 1 Wuche nach dr Geburt la "richte".Es isch nid perfekt worde, aber besser und sie het nüme sovil usegla.
Äs isch no rächt schwär zbeschribe wie das isch.Üs hei o vil gfragt, obs das würkli sig. Wemes när mal gseh het, isch s ganz anders zum verstah.
Für üs isches d Rettig gsi denzumal wo üse Sohn so het bägget.
hallo Maus3
Mini chli Tochter isch jetzt en monet alt und sie brüellt au mängisch sehr vill.
Zu 99 % isches immer wegem buchweh.
Ich han dich welle frage ob du no duesch stille oder nid. hätter en guete tipp.
Oder probiers mal mitem Kirschkissen.
Das nützt bi minere Tochter wunder.
Hallo maus3,
wie gohts au dim Luca?
bisch bim Atlaslogie gsi?
Gruss bear